БИШКЕК, 10-фев. — Sputnik. Жалал-Абадда мыйзамсыз тартып алынган көп кабаттуу үйдөгү батир азиздер жана дүлөйлөр коомуна кайтарып берилди. Бул тууралуу Башкы прокуратура билдирди.
Маалыматка ылайык, 2012-жылы Жалал-Абад шаарынын Кугарт кичи районунда көзү азиз жана кулагы катуу майыптар үчүн 40 батирлүү турак жай курулган.
Бирок шаар мэриясынын жооптуу кызматкерлери үйлөрдү бөлүштүрүүдө мыйзамы бузуу менен үйдүн бир батирин өзүнүн тутумуна алып, вице-мэрге кызматтык турак катары бөлүп берип койгон.
Учурда шаар прокуратурасынын буйругу менен аталган батир кайра мүмкүнчүлүгү чектелген жарандардын коомуна кайтарылып берилди.
