БИШКЕК, 26-янв. — Sputnik. Кыргызстанда жыл сайын мүмкүнчүлүгү чектелген жарандардын саны өсүп жатканын Акыйкатчы институтунан билдиришти.
"Мүмкүнчүлүгү чектелген адамдардын саны жыл сайын 3-4 миңге көбөйүп жатат", — деп айтылат маалыматта.
Акыйкатчы институтунун жүргүзгөн мониторингинин жыйынтыгы боюнча, майыптардын санынын көбөйүшү менен аларга эч бир багытта жетиштүү шарттар түзүлбөгөнү тастыкталган.
Буга ылайык, майыптарга байланыштуу көйгөйлөр менен укук бузуулар акыйкатчынын жылдык докладына киргизилип, ал Жогорку Кеңеш, Өкмөт жана тийиштүү мамлекеттик органдарга жөнөтүлө турган болду.
Белгилей кетчү нерсе, Кыргызстанда жалпы 160 миң мүмкүнчүлүгү чектелген адам бар. Анын 26 миң 672си өспүрүмдөр.
