Ошто арам акчаны адалдап келген банк филиалынын жолу буулду

Жазылуу
Жалган документтердин негизинде банктын эки кызматкери 10 айдын ичинде Кытай менен Латвияга 4,4 миллиард сом акча которууга жетишкен.

БИШКЕК, 20-янв. — Sputnik. Кыргызстанга контрабандалык жол менен келген акчаны ири банктын Оштогу филиалы аркылуу чет өлкөгө мыйзамсыз которуп келген банктын кызматкерлери аныкталганын УКМКнын Коррупция каршы кызматы билдирди. 

Акча алуу. Архив - Sputnik Кыргызстан
Банктар аркылуу жасалган алдамчылыктан мамлекетке 2 млн. сом зыян келтирилген
Маалыматка ылайык, банктын эки кызматкери "Беркут Строй" ишканасын бир жаранга каттап эки банктан эсеп ачып беришкен. Андан кийин Кытай жана Латвиядагы дайындалган адамдар менен курулуш материалдарын алуу жөнүндө жалган келишим түзүшкөн. 2014-жылы "Беркут Строй" ишканасынын эсеби аркылуу 4 млрд. 430 млн. 738 миң сом которууга жетишкен. Бирок аталган ишкананын документтери боюнча эч кандай ишмердүүлүк жасалбаганы айтылган.

Аталган факты боюнча Кылмыш жана жаза кодексинин "Жалган ишкердүүлүк", "Кылмыш жолу менен келген каражатты адалдоо", "Аткезчилик" жана "Кызмат абалынан менен кыянаттык менен пайдалануу" беренелеринин негизинде кылмыш иши козголду.

Учурда тергөө амалдары жүрүп жатат.

Жаңылыктар түрмөгү
0