БИШКЕК, 4-янв. — Sputnik. Сауд Аравиясы Иран менен дипломатиялык мамилесин үзүүсү "эң чоң катасы – ан-Нимрдин өлүм жазасына тартылганын" жашыра албай турганын Рейтер маалымат агенттиги Ирандын тышкы иштер министринин орун басары Хосейн Амир Абдоллахиянга шилтеме кылып маалымдаганын РИА Новости билдирди.
Жекшемби күнү Сауд Аравиянын тышкы иштер министри Адиль аль-Жубейр "падышачылыктын ички ишине ачыктан ачык киришүү, Тегерандагы элчиликке жана Мешхед шаарындагы консулдукка кол салуудан" улам, Иран менен болгон дипломатиялык байланыш үзүлгөнүн билдирген.
Абдоллахиян жергиликтүү ЖМКларга Сауд Аравиясынын элчилирине эч ким зыян келтирбегенин айтып, Иран элчилер үчүн эң коопсуз өлкө экенин билдирген.
Ишемби күнү Сауд Аравия бийлигинин шиит диний үгүттөөчү Нимр ан-Нимрди кошуп туруп, 47 кишини өлүм жазасына тартканы тууралуу билдирүү тараткан. Нимр ан-Нимр Сауд Аравиясы королдугундагы азчылык шийиттерди басмырлап сүйлөгөн делинүүдө. Өлүм жазасы жөнүндө билдирүүдөн кийин Сауд Аравиясынын Тегерандагы элчилигинин жана Мешхед шаарындагы консулдугунун жанында нааразычылыктар башталган.
Полиция чагымчылдарды таратып, 40 кишини кармаган. Жекшемби күнү нааразычылык элчиликтин алдында кайтадан уланган. Бир катар саясатчылар Сауд Аравиянын өлүм жазасына тартуу аракетин сындап жатышат.
