БИШКЕК, 22-дек. — Sputnik. Кыргызсандын футбол боюнча жаштар командасы (U-21) Шериктештик кубогуна Футбол федерациянын талаасында машыгуудан өтүп жатканын федерация билдирди.
Үстүбүздөгү жылдын 18-декабрында командалар чүчү кулак кармаган. Сегиз команда эки тайпага бөлүнүп, "А" тобуна Белоруссия, Кыргызстан, Казакстан жана Молдова кирсе, "В" тайпасында Латвия, Эстония, Россия жана Тажикстандын командалары беттешмей болду. Турнир 2016-жылдын 14-26-январь күндөрү Санкт-Петербург шаарында өтөт.
1993-жылдан баштап турнирге улуттук чемпионаттын жеңүүчүлөрү болгон мурунку Советтер Союзу республикаларынын футболдук клубдары катышып келет. 2012-жылдан тарта турнирдин тартиби өзгөрүп, мамлекеттердин жаш футболчулары ойной баштаган. 2012-2013-жылдары Кубок россиялыктарга тийсе, 2014-жылы украиналыктар мыкты аталган.
Үстүбүздөгү жылдын турнирин оюнга конок катары чакырылган Түштүк Африка Республикасы жеңип алган.
