БИШКЕК, 21-дек. — Sputnik. Кыргызстанда күтүүсүз экономикалык иш-чараларды максаттуу каржылоочу өнүктүрүү фонду пайда боло турганы парламенттин сайтында жарыяланды.
Аталган фондду түзүү үчүн "Бюджеттик укуктун негизги принциптери жөнүндө" мыйзамына киргизилүүчү өзгөртүүлөр депутаттардын кароосуна жөнөтүлүүдө.
Долбоордо айтылгандай, фонддун каражаты токтоосуз чечилүүгө муктаж айрым бир мамлекеттик экономикалык программаларды каржылоого, мындан тышкары, экономика тармактарын өнүктүрүүгө, негизги фонддорду модернизациялоого, түзүүгө, кеңейтүүгө, жаңылоого жумшалат.
Фонддун каражаты мамлекеттик программалардын зарылдыгына карата бөлүнмөкчү. Ал эми акча бөлүштүрүүнү өкмөт өзү көзөмөлдөй турган болду.
