БИШКЕК, 12-дек. — Sputnik. Эмдиги жылы Кыргызстандын футбол боюнча улуттук командасы европа командалары менен жолдоштук матчтарды өткөрүшү мүмкүн экенин Футбол федерациясы билдирди.
Учурда уюм 2016-жылдын календарын түзүүдө. 2018-жылы өтө турган Дүйнө чемпионатынын тандоо турунун алкагында беттешүүчү Тажикстандан башка атаандаш азырынча белгисиз.
Федерация мындан тышкары улуттук команданын Казакстан, Бахрейн жана Филиппин топтору менен кездеше турганын маалымдады.
Үстүбүздөгү жылы кыргызстандык футболчулар 8 оюн өткөрүп, үч ирет жеңишке жетишти, мындан тышкары эки жолу утулуп, эки ирет атаандаш менен теңме тең чыкты.
