БИШКЕК, 10-дек. — Sputnik. Дүйнөлүк футбол ассоциациясы (FIFA) Дүйнөлүк футбол күнүнө карата жеке сайтына Кыргызстандык курама командасы тууралуу макала жарыялаган.
Анда команданын декабрь айындагы рейтинги жана көрсөткүчүн жаңылаганына басым жасалган.
FIFA Япония, Иран жана Түштүк Корея командаларынын рейтинги төмөндөп кеткен маалда Кыргызстандын ийгиликтери күндөн күнгө артып жатканын белгилейт.
"Иорданияны 1:0 эсеби менен жеңип алганы Кыргызстандын курама командасын аябай шыктандырды. Атаандаш оюн учурунда мыкты коргонуп, ырааттуу контрчабуул көрсөткөнүнө карабай, жарым коргоочу Антон Землянухиндин жалгыз тобу баарын өзгөртүп жиберди", — деп айтылат билдирүүдө.
FIFA макаласында улуттук команда топко Кыргызстанда туулуп, бирок чет элдик клубдарда ойногон футболчуларды тартышы ийгиликтин сырларынын бири экени жазылган.
