БИШКЕК, 1-дек. — Sputnik. Улуу жазуучу Чыңгыз Айтматовго арналган V Эл аралык "Кыргызстан — кыска метраждуу өлкөлөрдүн тасмасы" кинофестивалынын калыстар тобун Өзбекстандын белгилүү кинорежиссеру, сценарист Али Хомраев жетектей турганын "Айтыш-фильм" киностудиясы билдирди.
23 Жетинин айы 2015, 11:05
Маалыматка ылайык, фестиваль 12-декабрь күнү башталып, үч күнгө созулат. Анын эл аралык сынагында 300 талапкер тасманын ичинен КМШ, Балтика мамлекеттери менен Грузиядан келген 13 фильм жана улуттук конкурсуна 10 жергиликтүү тасма күч сынашат.
Буга чейин фестивалда тасмаларды баалоочу топтун курамына казакстандык режиссер Сергей Азимов макулдугун бергени маалымдалган.
Советтик кинонун өнүгүшүнө зор салым кошкон тажрыйбалуу режиссер Али Хомраев калыстар тобунда төрагалык кылуудан тышкары бардык каалоочулар үчүн мастер-класс өткөрө турганы белгилүү болду.
