БИШКЕК, 17-ноя. — Sputnik. Орто жана ири көлмөлөрдөгү балык санын көбөйтүү зарылдыгын вице-премьер Олег Панкратов "Тоң балык өстүрүүчү завод" мамлекеттик ишканасынын директору Айбек Чыныбаевди кабыл алуу учурунда билдирди.
Завод директорунун айтымында, учурда ишкананын ишин жандандыруу боюнча план иштелип, ага карата инвестор табылган.
"Бирок, ишкана мамлекеттин эсебинде болгондуктан, инвестор менен иштөөнүн укуктук негиздерин белгилөө зарыл болуп жатат", — деди Чыныбаев.
Натыйжада вице-премьер Мамлекеттик мүлк фонду менен Айыл чарба министрлигине тез аранын ичинде долбоорго колдоо көрсөтүп, инвестор менен иштөөнүн укуктук негиздерин аныктоону тапшырды.
Тоң балкы заводу 1965-жылы түзүлгөн. Ысык-Көл форель балыгын жасалма көбөйтүү менен алектенет.
