БИШКЕК, 30-окт. — Sputnik. Тийиштүү заманбап жабдыктарсыз кайра иштетүү тармагынын атаандаштыкка жөндөмүн арттыруу кыйла татаал экенин биринчи вице-премьердин милдетин аткаруучу Тайырбек Сарпашев россиялык компаниялар менен жолугушуу учурунда билдирди.
Анда тараптар айыл чарба продукциясын кайра иштетүүчү кыргызстандык ишканаларды модернизациялоого инвестиция тартуу маселелери талкууланды.
Сарпашевдин айтымында, учурда Кыргызстанда каражаттын тартыштыгынан улам жаңы технологиялар менен иштөө аракети чабал болууда.
"Эми мамлекеттин ЕАЭБге кошулушу менен жергиликтүү компаниялар рыноктогу атаандаштыкка туруштук берүү үчүн жаңы жабдыктар менен иштөөгө аргасыз экенин түшүндү. Биринчи кезекте иш ушул багытта жүрүшү керек. Өкмөт жеңилдетилген насыя алуу боюнча бардык аракеттерди көрөт", — деди атка минер.
Жолугушуу учурунда эки тарап кызматташуу жаатында кийинки кадамдар жана багыттар боюнча пикир алмашты.
