Издөөгө алынган атка минер Дүйшөн Сатыбалдиев кармалды

© пресс-служба ГРС КРМамлекеттик каттоо кызматынын алдындагы калкты жана жарандык абал актыларын каттоо департаментинин мурунку директору Дүйшөн Сатыбалдиев. Архив
Мамлекеттик каттоо кызматынын алдындагы калкты жана жарандык абал актыларын каттоо департаментинин мурунку директору Дүйшөн Сатыбалдиев. Архив - Sputnik Кыргызстан
Жазылуу
Мамлекеттик каттоо кызматынын алдындагы калкты жана жарандык абал актыларын каттоо департаментинин директорлук кызматын аркалаган Сатыбалдиев Кыргызстандын кызыкчылыгына каршы келген келишимдерди түзгөн деп айыпталууда.

БИШКЕК, 28-окт. — Sputnik. Жасаган кылмышы үчүн издөөгө алынган Мамлекеттик каттоо кызматынын алдындагы калкты жана жарандык абал актыларын каттоо департаментинин мурунку директору Дүйшөн Сатыбалдиев кармалганын ИИМ билдирди.

Акча купюралары. Архив - Sputnik Кыргызстан
Пара алып жаткан жеринен кармалган салык кызматкери ишинен айдалды
Маалыматка ылайык, Сатыбалдиев ага карата кылмыш жаза кодексинин "Кызмат абалынан кыянаттык менен пайдалануу" жана "Республиканын кызыкчылыгына каршы келген мамлекеттик сатып алууларды жүргүзүү жана келишимдерди түзүү" беренелеринин негизинде кылмыш иши козголгондон кийин качып кеткен. Мындан улам ага мамлекеттер аралык издөө жарыяланган.

Ыкчам-иликтөө иштеринин натыйжасында Сатыбалдиев Бишкек шаарынан кармалган.

Учурда ал кийинки тергөө иштери үчүн ИИМдин башкы тергөө башкармалыгына өткөрүлүп берилди. Мекеме Сатыбалдиев бүгүн убактылуу кармоочу жайга киргизилерин белгилейт.

Буга чейин ал "Ата-Мекен" партиясынан депутаттыкка талапкер болуп катталып, буга байланыштуу премьер-министрдин буйругу менен кызматынан бошотулган.

Жаңылыктар түрмөгү
0
Алгач жаңыларыАлгач эскилери
loader