БИШКЕК, 27-окт. — Sputnik. Бишкек шаарынын Свердлов району боюнча салык башкармалыгынын башкы инспектору ишеничтен кеткендигине байланыштуу ээлеген кызматынан бошотулду. Тиешелүү буйрукка мамлекеттик салык кызматынын (МСК) төрагасы Замирбек Осмонов кол койду.
27 Тогуздун айы 2015, 11:16
19-октябрда салык кызматкери жеке ишкерден 1,2 миң доллар суммасында пара алып жаткан жеринен УКМКнын Коррупцияга каршы күрөшүү кызматы тарабынан кармалган.
МСКнын башчысы Осмонов тийиштүү бөлүмдөргө коррупциялык көрүнүштөрдү ачуу боюнча жумуштарды өздөрү такай алып барууну жана бул багытта контролду күчөтүүнү тапшырды.
