БИШКЕК, 27-окт. — Sputnik. Бишкектин түзөтүү колонияларындагы жарандардын ден соолугу тууралуу маселелер талкуулана турганын ЖАМК билдирди.
12 Тогуздун айы 2015, 15:58
Маалыматка ылайык, үстүбүздөгү жылдын 28-29-октябрь күндөрү "Пенитенциардык системада саламаттыкты сактоо" деп аталган эл аралык конференция өтөт. Улуу Британия, АКШ, Австралия, Германия, Франция, Австрия, Швейцария жана башка мамлекеттерден келе турган 80ден ашуун адис абактагы баңгизат, түрмөдөгү инфекциялык оорулар, адам укугу жана эркиндиги боюнча талкуу жүргүзөт.
Иш-чаранын алкагында чет элдиктер №2 жана №31 түрмөлөрдү көрүп, аталган мекемелерде кургак учукка каршы жүргүзүлгөн аракеттер менен таанышат. Мындан тышкары, баңгизаттан көз карандысыз болууга жана андан дарылоого багытталган "Атлантис" программасынын таасири көрсөтүлмөкчү.
