БИШКЕК, 21-окт. — Sputnik. Бүгүн Казакстандын Алматы шаарында студенттик тасмалардын жана кино мектептеринин V Эл аралык "Бастау" фестивалы башталып, ага Кыргызстандын атынан төрт тасма катыша турганын Кинематография департаменти билдирди.
Маалыматка ылайык, иш-чарага режиссер Кымбат Адылбекованын "Таксист", Нурсултан Станилиевдин "Абышка", Чолпонай Бөрүбаеванын "Топурак" жана Аманбек Ажыматтын "Физрук, алтын, дарыя" тасмалары тандалып алынган.
"Этономаданият — доорлорду байланыштырган көпүрө" урааны алдында өтүп жаткан фестиваль Евразия жана Американын жаш кинематографисттеринин ортосундагы тажрыйба алмашуу үчүн жана эл аралык кызматташууну бекемдөө максатын көздөйт.
Быйыл бешинчи ирет өтүп жаткан "Бастау" фестивалы 25-октябрга чейин уланат.
