БИШКЕК, 15-окт. — Sputnik. АКШнын Лос-Анжелис шаарында коомдук ишмер, Кыргызстандын кинематографисттер бирикмесинин төрагасы Садык Шер-Нияз тарабынан негизделген Asian World Film Festival аттуу эл аралык кинофестиваль өтө турганын Кинематография департаменти билдирди.
Маалыматка ылайык, үстүбүздөгү жылдын 26-октябрында башталып 2-ноябрга чейин улана турган иш-чарада режиссер Далмира Тилепбергенованын "Асман алдында" тасмасы көрсөтүлөт.
"Садык Шер-Нияз өткөн жылы "Курманжан датка" тасмасын тартуулоо максатында Америкада жүргөн кезинде негиздеп, иш алып бара турган топ түзүп келген", — деп айтылат билдирүүдө.
"Айтыш" коомдук фондуунун колдоосу менен өтүүчү фестивалга Түркиядан Японияга чейинки жана Россиядан Индияга чейинки 50 өлкөнүн тасмаларынын катышуусу күтүлүүдө.
