Эрдоган: РФ, Түркия, АКШ жана Иран Сириянын маселесин бирге чечиши керек

Жазылуу
Ошону менен бирге Сириядагы абалды теске салуу процесси Сириянын президенти Башар Асаддын катышуусу жок жүрүшү керек деп эсептейт Түркиянын президенти.

БИШКЕК, 25-сен. — Sputnik. Сирия маселесин чечүүдө Россия, Түркия, АКШ жана Иран кызматташуулары керек деди бейшемби күнү  Түркиянын президенти Тайып Эрдоган.

Ал бир күндүк иш сапары менен Москвада болуп, ири мечиттин ачылышына катышып жана Россиянын президенти Владимир Путин менен сүйлөшүүлөрдү жүргүздү.

"Сириянын маселесине карата Россиянын көз караштарында айкындыкты көргөн жокмун. Биздин ТИМ башчылары бул маселе боюнча кайра иштешет. Ал ишке Иран менен АКШны тарткан максатка ылайык болот. Теске салуу процесси (Сириянын президенти Башар) Асаддын катышуусу жок өтүшү керек, бирок аны өткөөл мезгилде тартууга болот", — деди Эрдоган журналисттерге.

Путин Сирияда кризисти кандайча чечүүнү айтып берди
Түркиянын президенти АКШны Сириядагы Күрддөрдүн демократиялык биримдигин колдогону үчүн сынга алды. Аталган уюм, Эрдогандын айтымында, "Ислам мамлекети" жана Түркияда тыюу салынган Күрдстан жумушчу партиясы сыяктуу эле террористик топ болуп эсептелет.

Сирияда 2011-жылдын март айынан бери куралдуу чыр-чатак жүрүп жатат. Анын кесепетинен, БУУнун маалыматына ылайык, 220 миңден ашык адам курман болду. Өкмөттүк аскерлерге түрдүү куралдуу түзүлүштөргө тиешелүү согушчандар каршылык көрсөтүүдө. Алардын ичинен эң активдүүлөрү болуп "Ислам мамлекети" жана "Жебхат ан-Нусра" экстремисттик топтору эсептелет.

Путин мурдараак Россия "Ислам мамлекети" террористтик тобуна каршы күрөштө Сирияга аскердик-техникалык жардам көрсөтүүнү уланта турганын айтып, буга бардык дүйнөлүк коомчулукту кошулууга чакырган.

Жаңылыктар түрмөгү
0
Алгач жаңыларыАлгач эскилери
loader