БИШКЕК, 22-сен. — Sputnik. Тергөө абактарындагы 500 адамдын 217си алдыда боло турган парламенттик шайлоодо добуш бере ала турганын Жаза аткаруу мамлекеттик кызматы билдирди.
Маалыматка ылайык, аталган жарандар биометрикалык маалымат тапшырып, баарынын колунда паспорту бар.
Тергөө абактарында добуш берүү 3-октябрь күнү көчмө комиссиянын жана партиялардын расмий өкүлдөрүнүн катышуусу менен өтөт.
Учурда тергөө абактарында биометрикалык маалымат тапшырган 500дөн ашуун адам бар. Бирок мыйзамга ылайык тергөөдөгү жарандардын паспорту алып коюлгандыктан, алар добуш бере алышпайт.
Парламенттик шайлоо 4-октябрга белгиленген.
