БИШКЕК, 22-сен. — Sputnik. Казакстандын Алматы шаарында иштеп, жашап жаткан кыргызстандык жарандардын алдыда боло турган парламенттик шайлоого катышууга дилгирлиги байкалып жатканын Тышкы иштер министрлиги билдирет.
Үстүбүздөгү жылдын 19-сентябрына чейин аталган дипмекеменин кызматкерлери жеке маалымат чогултуп, шайлоочулардын тизмесине кирүү боюнча арыздарын кабыл алышты.
Биометрикалык маалымат чогултуу жараяны 2014-жылдын август айында башталып, 2015-жылдын 19-сентябрына чейин созулду. Жеке маалымат тапшырган жарандардын саны 2 миллион 813 миңге жетти. Алардын 2 миллион 670 миң 480и алдыда боло турган парламенттик шайлоодо добуш берүүгө укуктуу.
4-октябрга белгиленген парламенттик шайлоодон кийин жеке маалымат тапшыруу жараяны кайрадан уланат.
Чет өлкөлөрдөгү шайлоо участкалардын даректерин Sputnik инфографикасында көрүңүз>>
