Монсон менен Сыргабаевдин беттешине кире албай, чуу салган 38 адам кармалды

© Sputnik / Табылды Кадырбеков"Ала-Тоо" эс алуу борборунда өтүп жаткан беттешүүдө отургучтар менен сактанып аткан адамдар.
Ала-Тоо эс алуу борборунда өтүп жаткан беттешүүдө отургучтар менен сактанып аткан адамдар. - Sputnik Кыргызстан
Жазылуу
Кармалгандардын төртөөнө бейбаштык беренеси боюнча кылмыш иши козголду. Ал эми калган 34 адамга карата административдик протокол түзүлдү.

БИШКЕК, 21-сен. – Sputnik. Замирбек Сыргабаев менен америкалык Жефф Монсондун беттешүүсүнө кире албай, имаратты ташка алган 38 адам кармалып, анын төртөөнө кылмыш иши козголгонун Бишкек ШИИБ билдирди.

Замирбек Сыргабаев Жефф Монсого сокку кылып жатат. - Sputnik Кыргызстан
Кыргыз спортчусу океандын ары жагынан учуп келген атаандашын баш көтөртпөй жеңип алды
Маалыматка ылайык, 2015-жылдын 19-сентябрында "Ала-Тоо" эс алуу борборунда өтүп жаткан беттешүүгө орундун жана билеттин жоктугунан сыртта калгандар курчоодон өтүүгө аракет кылышкан. Андан соң имаратты ташка алып, борбордун ээсин материалдык чыгымга учураткан.

Бул факт боюнча 38 адам кармалып, Октябрь РИИБ алып келинген. Текшерүү учурунда төрт адамга бейбаштык беренеси боюнча кылмыш иши козголду. Калганына карата административдик протокол түзүлүп, Бишкек ШИИБнын бөлүштүрүүчү жайына жеткирилген. 

Учурда тергөө иштери жүрүп жатат.

Жаңылыктар түрмөгү
0