БИШКЕК, 19-сен. — Sputnik. ММА JFC чемпиондугу үчүн мушташта кыргызстандык спортчу, депутат Замирбек Сыргабаев атаандашы америкалык Жефф Монсонду жеңип алды деп билдирди Sputnik маалымат агенттигинин кабарчысы чемпионат өтүп жаткан жерден.
Монсон катышкан MMA боюнча Jash Kuch Fighting Championship (MMA JFC) өткөргөн турнир ишемби күнү Бишкек шаарында болду. Мында башкы беттешүү — америкалык спортчу Жефф Монсон менен кыргызстандык спортчу, Кызыл-Кыя шаардык кеңешинин депутаты Замирбек Сыргабаевдин ортосунда өттү.
Монсон ADCC Submission Wrestling World Championship боюнча эки жолку жеңүүчү жана бразиялык жиу-житсунун дүйнө чемпиону. ММА эрежелери боюнча ал 78 жолу беттешип, анын 55инде жеңишке жеткен.
Сыргабаев — самбо, ММА, бокс боюнча эл аралык класстагы спорт чебери, панкратион боюнча Евразия чемпиону, аны менен кошо эле Кыргызстандын панкратион боюнча абсолюттук чемпиону. Кызыл-Кыя шаардык кеңешинин депутаты.
