Бишкекте Жусуп Баласагындын миң жылдыгына арналган эл аралык конференция башталды

© Sputnik / Жоомарт УраимовЖусуп Баласагындын миң сомдогу сүрөтү. Архив
Жусуп Баласагындын миң сомдогу сүрөтү. Архив - Sputnik Кыргызстан
Жазылуу
Илимий иш-чарага кыргызстандык окумуштуулардан сырткары, чет өлкөлүк белгилүү кыргыз таануучу, түрколог, археолог, этнологдору катышып жатат.

БИШКЕК, 18-сен. — Sputnik. Жусуп Баласагын атындагы Кыргыз улуттук университетинде "Кыргыз жана Карахандар каганаттары: Куттуу билим жана мамлекет" аттуу IV эл аралык илимий–тажрыйбалык жыйын башталды.

Жусуп Баласагындын айкели. Архив - Sputnik Кыргызстан
Жусуп Баласагындын 1000 жылдык юбилейи белгиленет
Аалым Жусуп Баласагындын 1000 жылдыгына арналган илимий иш-чарага кыргызстандык окумуштуулардан сырткары, чет өлкөлүк белгилүү кыргыз таануучу, түрколог, археолог, этнолог ж.б. окумуштуулар катышып жатат.

Буга Россиядан археолог, кыргыз таануучу, профессор Юлий Худяков, Хакасиядан профессор Виктор (Астайбег) Бутанаев, Казакстандан Тарыхчылар ассоциациясынын президенти, профессор Мамбет Койгелдиев, Кытайдын Үрүмчү шаарынан доктор, профессор Мамбеттурду Мамбетакун, Кызыл-Суу Кыргыз автоном облусунун Улуу-Чат шаарынан манастаануучу Токтонур Аамат сыяктуу бир топ илимпоздор чакырылган.

"Жыл сайын ырааттуу өткөрүлүп келген Кыргыз каганаты, Карахандар каганаты жана башка түрк мамлекеттеринин тарыхына, археологиясына, этнографиясына жана маданиятына арналган эл аралык илимий жыйындардын төртүнчүсү. Бул илимий иш-чара кыргыз таануу, түркология, чыгыш таануу, археология, этнография, фольклор таануу жаатында изилдөө жүргүзгөн окумуштуулардын соңку жылдардагы жаңы илимий табылгаларды илимий чөйрөгө киргизүүсү, баарлашуусу. Ал келечектеги орток илимий кызматташтык долбоорлорун түзүүсү үчүн өтө маанилүү мүмкүнчүлүктөр жаратып келет", — билдиришти илимий конференция өтүп жаткан Улуттук университеттен. 

Быйылкы илимий жыйын Жусуп Баласагындын 1000 жылдык мааракесине арналып өтүп жаткандыгын, келээрки жылы бир катар мамлекеттерде өткөрүлө турган башка да эл аралык симпозиумдарга камылга көрүү маселеси талкууланарын кошумча билдиришти.

Жаңылыктар түрмөгү
0