БИШКЕК, 17-сен. — Sputnik. Шаршембиден бейшембиге караган түнү болгон Чилидеги катуу жер титирөө көп сандаган жолдор менен көпүрөлөрдү кыйроого учуратты. Жер алдындагы силкинүүлөрдүн түйүнү өлкөнүн борбору Сантьяго шаарынан түндүктү карай 228 чакырым аралыкта жайгашкан.
Өлкөнүн президенти Мишель Бачелет катуу кыйроолор менен катар үч адам курман болуп, дагы ондон ашык адам жабыркаганын шаршемби күнү билдирген.
Бачелет бейшемби күнү өкмөт мүчөлөрү менен кошо өлкөнүн катуу жабыр тарткан жерлерине бара турганын, 18-сентябрда өлкөнүн көз карандысыздык күнүнө карата майрамдык салтанаттар кийинкиге жылдырылышы мүмкүндүгүн айтты. Ал бир катар шаарларда майрам уюштуруу коркунучтуу экенин белгилеген. Мектептерде сабактарды убактылуу токтотуу жөнүндө чечим кабыл алынды.
Чилидеги катуу жер титирөөдөн кийиники цунами Россия менен Япониянын да жээктеринде жете турганын Тынч океандын цунамини алдын алуу борбору (PTWC) билдирүүдө.
Аталган борбор Япониянын жээктеринде Москва убактысы боюнча 23.28де күтүлүүдө деп билдирет.
Чилинин Өзгөчө кырдаалдар боюнча улуттук кызматы Кокимо шаарын каптап калган 4,5 метрлик цуунами толкундары жөнүндө кабарлашты.
Эмне үчүн жер титирөөлөр болорун Sputnik инфографикасында көрө аласыз>>
