БИШКЕК, 15-сен. — Sputnik. Франциянын чуулгандуу Шарли Эбдо журналы сууга чөгүп кеткен үч жашар сириялык Айлан жөнүндө тартылган карикатуралары үчүн сот жообуна тартылышы ыктамал деп жазат Mirror гезити.
Don't like,ok,but don't misrepresent. Hebdo is mocking covers like this-contrast banner/photo https://t.co/yHbqebuPYV pic.twitter.com/wjn3SnFtTv
— maajid nawaz (@MaajidNawaz) 14 сентября 2015
Наристе сентябрдын башында башка качкындар менен келе жаткан жеринен кайык оодарылып кетип, сууга чөгүп өлгөн. Айландын жансыз денесин жээкке көтөрүп келе жаткан түрк куткаруучусунун сүрөтү бардык дүйнөлүк ЖМКларга чыгып, эч бир адамды кайдыгер калтырган эмес.
Британиялык юрист Питер Херберт журналды "Франциянын моралдык жактан чирип калганын көрсөткөн расисттик, ксенофобиялык…" деп атаган. Ал өзү жетектеген Кара түстүү адвокаттар коомчулугу (SBL) Эл аралык кылмыш жаза сотуна (МУС) аталган карикатуралар боюнча доо арызын бере турганын айтышты. Себеби, адвокаттардын пикиринде, басылма терсаяктыкты жана кысымга алуучулукту жайылтып, ага үгүттөп жатат.
"Кара түстүү адвокаттар коомчулугу журналга карата терсаяктык жана куугунтуктоо аракеттерине жасаган үгүт үчүн айып коюуну карап жатат", — деп жазат Херберт өзүнүн Twitter баракчасында.
Үстүдөгү жылдын январында Мухаммед пайгамбарга тартылган карикатурадан кийин Францияда Шарли Эбдо редакциясына куралдуу кол салуу болгон. Эки кылмышкер редакцияга кирип барып, ал жердегилерге ок чыгарышкан. 12 адам, анын ичинде эки полиция кызматкери курман болуп, кылмышкерлер из жашырып кеткен. Бул боюнча дүйнөнүн бардык жеринде нааразчылык иш чаралары өтүп, андан Кыргызстан да четте калган эмес.
