БИШКЕК, 9-сен. — Sputnik. Өз өлкөсүндөгү согуштан качкан мигранттар кире албасын деп чек арасын тикенек зымдар менен тосуп, качкындарды атайын даярдалган лагерлерге алып келүүгө аракет кылган Венгриянын журналисти адамкерчиликке жатпаган кылыгы менен көпчүлүктүн көңүлүн өзүнө бурду деп жазат Sputnik Түркия агенттиги.
2-сентябрда Түркиянын Бодрум шаарындагы курорттогу суу жээгине эки жашар Айлан Курдинин жансыз денеси чыгып калган. Сириялык бөбөктүн өлгөн сүрөтү интернетте пайда болуп, дүйнө коомчулугун дүрбөлөңгө салган. Жакынкы чыгышта болуп жаткан согуштан улам, аталган аймактан миңдеген качкындар Европаны көздөй агылууда.
Коомчулукка жакында Сербиядагы бозгундардын абалын көрсөткөн видео тарады. Сербиянын чек арасындагы Рьоске айылындагы лагерге барууну күтүп чарчаган мигранттар полициядан талаа-түздү карай качкан. Колуна баласын көтөрүп алып чуркап бараткан атанын жерге жыгылганын бир нече камера тартып калган.
Lage in #Roeszke #Hungary weiter schlimm - Polizei überfordert - Flüchtlinge durchbrechen Polizeikette - Verletzte! pic.twitter.com/GlMGqGwABb
— Stephan Richter (@RichterSteph) September 8, 2015
RTL каналынын журналисти Степхан Ричтер тартып алган видеосун Twitter социалдык тармагындагы баракчасына жайгаштырды. Видеодо баласын колуна көтөрүп алып полициядан качып келе жаткан бозгунду Петра Лазло аттуу оператор аял буттан чалып, жерге жыкканы тартылган. Ызаланган орто жаштагы мигрант операторго кыйкырып гана тим болгону көрүнүп турат.
Лазло качып келе жаткан башка мигранттардын балдарын бутка бир нече жолу тээп үлгүргөнүн да операторлор тартып калышкан.
Shame: On this video former #N1 journalist Petra László kicks #refugees, among them children https://t.co/iDqLtqtNcI via @indexhu
— Balazs Csekö (@balazscseko) September 8, 2015
Бутунан тапты
Венгриянын премьер-министри Виктор Орбан "Чек арабызды коргошубуз керек, бардык нерсе чек арадан башталат. Венгрия миграциянын азыркы абалына нааразы" деген пикирин Европа кеңешинде болгон маалымат жыйында билдирген.
Ал ошондой эле Европа бардык эле келе бергендерди кабыл ала албайт, бул нерсе Европанын кендирин кесет деп кошумчалаган.
