БИШКЕК, 10-сен. — Sputnik. Баткен облусунун үч районундагы балдар бакчалардын материалдык базасын жаңыртылып, оңдоо иштери жүргүзүлдү. Ал бала бакчалар жакында расмий түрдө пайдаланууга бериле тургандыгын "Роза Отунбаеванын демилгеси" фондусунан билдиришти.
"Аталган фонд Баткен облусундагы үч бала бакчаны оңдоп-түздөө иштерин Ага Хан фондусунун жардамы менен жүргүздү. Алар Кадамжайдагы Марказ, Баткендеги Чоң-Кара жана Лейлектеги Тогуз-Булак айылындарында. Чек арада дайыма чыр-чатак чыгып, оор кырдаал болгондугу үчүн аталган фонду менен бирдикте бул аймакка колдоо көрсөтүү максатында жасадык. Мындан сырткары, жакында эко-участоктор түзүлмөкчү", — деди фонддун Асылбек Жооданбеков.
"Роза Отунбаеванын демилгеси" эл аралык фонду Кыргызстан аймагында бала бакчалар боюнча "Жайлоо бала бакчалары" деп аталган ири долбоорду жүргүзүп келет. Быйылкы жайда өлкө боюнча 80ден ашуун жайлоо бала бакчалары иштеди.
