Кыргыз кереметин жаратуучулардын бири, оператор Кадыржан Кыдыралиев дүйнө салды

Жазылуу
Кадыржан Кыдыралиев биринчи тасмасынан эле кино дүйнөсүнө таанылган. Кыргыз киносунун классикасына айланган "Тайгак кечүү", "Жамила", "Көк жал", "Бакайдын жайыты", "Уркуя" жана башка көптөгөн республикалык жана дүйнөлүк масштабдагы тасмалардын оператору болгон.

БИШКЕК, 28-авг. — Sputnik. Кыргыз кереметинин түзүүчүлөрүнүн бири, КР эл артисти, чыгаан оператор Кадыржан Кыдыралиев 79 жаш курагында узак оорудан кийин каза болду.

Көз жаш, кайгыга муунган артисттер – Мукамбет Токтобаевди акыркы сапарга узатуу
Токтогул атындагы мамлекеттик сыйлыктын лауреаты Кадыржан Кыдыралиев 1936-жылы 1-апрелде Калинин районунун Тельман колхозунда туулган. Орто мектепти аяктагандан кийин 1954-жылдан тартып, "Кыргызфильм" киностудиясында оператордун ассистенти катары эмгек жолун баштаган. Кийин 1956-1961 жылдары Москва шаарындагы ВГИКтин операторлук факультетинде билим алган.

Кадыржан Кыдыралиев биринчи тасмасынан эле кино дүйнөсүнө таанылган. Кыргыз киносунун классикасына айланган "Тайгак кечүү", "Жамила", "Көк жал", "Бакайдын жайыты", "Уркуя" жана башка көптөгөн республикалык жана дүйнөлүк масштабдагы тасмалардын оператору болгон. Кыргыз киносунун ардагери операторлук иши менен СССР ичинде гана кеңири белгилүү болбостон, көптөгөн чет элдик фестивалдарда таанылып, алардын лауреаты болуп келген.

Көрүнүктүү оператор Кадыржан Кыдыралиевди акыркы сапарга узатуу зыйнаты 2015-жылдын 29-августунда саат 10:00 до Токтоболот Абдымомунов атындагы драма театрында өтөт. Маркумдун сөөгү Ала-Арча мүрзөсүнө коюлат.

Жаңылыктар түрмөгү
0