Мэрия Бишкек шаарындагы Ала-Тоо жаңы конушунда тиешелүү документтери жок 2005-жылы куюлган фундаментти түрттүрүп салды.
Мыйзамсыз куюлган фундаментти түрттүрүү ЖМКнын катышуусу менен шейшемби күнү болду. Маалыматка ылайык, бала бакчанын курулушу үчүн бекитилген жерге белгисиз адам өзүм билемдик менен фундамент куюп койгон. 2015-жылдын 14-августунда жергиликтүү бийлик органдары тарабынан фундаментти түрттүрүп салуу чечими кабыл алынган.
Кыргызстандын Жарандык кодексине киргизилген кошумчаларга ылайык, мэрия ээси такталбаган курулушту түрттүрүп салууга акылуу.
