Адилет министрлигинен каттоодон өткөндө партия лидери Замира Чумакеева деп көрсөтүлгөн, бирок түптөөчүсү Эркин Тентишев.
"Бирге-Вместе" саясий партиясы 2013-жылы түзүлүп, Адилет министрлигинде катталган. Бул партия башында "Союз.С.С.Р." партиясы деп негизделген.
Максаты — социалдык адилеттүүлүккө жана жарандардын бакубат жашоосуна шарттарды камсыз кылуу.
"Бул өткөндөргө кайрылуу эмес, бирок өткөндүн мыкты жетишкендиктерин алышыбыз керек. Бул — экономикасы өнүккөн күчтүү социалдык саясат негизин түзгөн Кыргызстандын өнүгүү жолу" деп айтылат программасында.
Партиянын принциби – коррупциялашпаган, күчтүү көзөмөл жүргүзуп жана элдин ишенимине ээ бийлик болушу керек деп айтылат.
Партия региондорду өнүктүрүүгө да басым жасайт. Чүй жана Ысык-Көлдө облустарында – жашылча-жемиштерди иштетүүчү ишканаларды куруу, мал жана балык чарбачылыгын өстүрүү. Таласта – төө буурчакты өсүтүрүүгө жана мал чарбачылыгын жакшыртууга басым жасоо. Жалал-Абадда – жашылча-жемиштерди, пахтаны кайра иштетүү, мал жана балык чарбачылыгына көңүл бөлүү. Ош, Баткенде — жашылча-жемиштерди, пахтаны жана тамекини кайра иштетүүнү жакшыртуу. Нарында мал чарбачылыгын күчтөндүрүү.
Учурда партиянын кичи шаарларда жана райондук, айылдык кеңештерде өкүлдөрү бар. Ал эми мүчөлөрү негизинен Чүй облусунда, Токтогул районунда көбүрөөк.
Партиянын лидери Эркин Тентишев 2015-жылдагы парламенттик шайлоого "Кыргызстан" саясий партиясынын атынан берилген тизмеде 6-сапта турат.
