БИШКЕК, 21-авг. — Sputnik. Бишкектин Скрябин көчөсүндө ирригациялык системаны калыбына келтирүү иштерин жүрүп жатканын шаардык муниципалитет билдирет.
Маалыматка ылайык, оңдоо иштери аталган көчөнүн Жукеев-Пудовкин жана Шабдан Баатыр көчөлөрүнө чейинки бөлүгүндө жүрүүдө.
Арыктарды калыбына келтирүүгө тоскоолдук жараткан соода түйүндөрү алынып жатат.
"Оңдоо иштери райондук администрациянын көзөмөлүндө. "Зеленстрой" ишканасы эскилердин ордуна жаңы канал-арыктарды курууда", — деди Октябрь районунун акими Болот Алымкулов.
Мэрия ирригациялык системаны калыбына келтирүү иштери эки жумага созула турганын кошумчалады.
