БИШКЕК, 14-авг. — Sputnik. Беш партия беш миллион сомдук шайлоо күрөөсүн төлөгөнүн Борбордук шайлоо комиссиясынын жумушчу тобунун жетекчиси Канатбек Азиз билдирди.
Алмазбек Атамбаев кол койгон буйрукка ылайык, парламенттик шайлоо 4-октябрга дайындалган. Шайлоого катышуу үчүн жалпысынан 34 партия арыз берген. Төрт партия 7-августка чейин атайын эсепти ачканга жетишпегендиктен шайлоодон четтетилген.
Канатбек Азиздин айтымында, 5 миллион сомдук шайлоо күрөөсүн беш партия – "Ата Мекен", "Бир Бол", "Өнүгүү — Прогресс", КСДП жана "Бүтүн Кыргызстан Эмгек" төлөгөн.
Ал ошондой эле бир да партия талапкерлердин тизмесин бере электигин кошумчалады.
