БИШКЕК, 6-авг. — Sputnik. Ош обулусунда ажыга баруучу жарандарды окутуп, үйрөтүү иштери жакында бардык райондук борборлордо башталат. Бул туурасында Ош облустук казыятынын маалымат кызматы билдирди.
Облустук казыяттын жетекчиси Ниязалы Арипов башчыларга ажылык сапарга даярдыктар боюнча милдеттенмелерди түшүндүрдү. Ал ажыга барчу жарандарга ажылык парздын диндеги ордун дыкат көңүл буруп үйрөтүү керектигине өзгөчө басым жасады.
Ош облусунун аймагынан 2015-жылы 1015 жаран ажылык зыяратка барат жана алардын 49уна бирден ажы башчысы жетекчилик кылат. Ош облусунан 20 ажы башчы тандалган.
Кечээ, 4-августта Кыргызстан мусулмандарынын муфтийи Токтомушев Максатбек ажы быйыл конкурстук негизде тандап алынган ажы башчылары менен жолугуп, аларга сертификат тапшырды.
