БИШКЕК, 5-авг. — Sputnik. Бүгүн Кыргызстан мусулмандарынын дин башкармалыгынын муфтийи Токтомушев Максатбек ажы быйылкы жылы конкурстук негизде тандап алынган ажы башчылары менен жолугуп, аларга сертификат тапшырды. Бул туурасында муфтияттын маалымат кзыматы кабарлайт.
Жолугушуунун алкагында Азирети муфтий ажылык сапарга бара турган зыяратчыларга жогорку деңгээлде кызмат көрсөтүү талабын койду. Ошондой эле ар бир ажы менен тыгыз мамиледе болуп, ажылыктын шарттарын, милдеттерин туура түшүндүрүү керек экендигин баса белгиледи.
Кыргызстан мусулмандарынын дин башкармалыгы 2015-жылы ажылыкка баруучуларды тейлеп, аларга кызмат көрсөтүү максатында ажы башчылары арасында конкурс өткөрүп, жыйынтыгында 72 ажы башчысын тандаган.
