БИШКЕК, 8-июль — Sputnik. Баткенде бүгүн Мамлекеттик Чек ара кызматынын төрагасы Райимберди Дүйшенбиев Тажикстандын Улуттук коопсуздук боюнча Мамлекеттик чек ара кызматынын жетекчиси менен жолугат.
Жетекчилер кыргыз-тажик мамлекеттик чек араларындагы абалды талкуулашат. Андан сырткары, эки тарап аталган жаатта коопсуздукту камсыздоо боюнча өз ара кызматташууну сүйлөшөт.
Баткен облусунун Баткен районунда кыргыз-тажик мамлекеттик чек арасында 6-июлда куралдуу кагылыш болуп, бир тажик жараны көз жумган.
7-июлда Кыргызстандын вице-премьер-министри Абдырахман Маматалиев Тажикстан президентинин жардамчысы Шералы Хойруллоев менен 6-июлда Баткендеги чек ара чатагынын себептерин талкуулаган.
