БИШКЕК, 27-май — Sputnik. Кыргызстанда төрт миң жаза өтөөчүгө эсептелген 28,5 миллион долларлык комплекс куруу пландалууда. Премьер-министр Темир Сариев долбоор менен таанышканын өкмөттүн маалымат кызматы билдирди.
Өкмөт башчы долбоор менен таанышып, аны ишке ашыруу үчүн тыкыр иликтенип чыгышы керектигин белгиледи.
"Жаза өтөө жайлардын комплексин куруу идеясы жакшы, бирок анын баардык тобокелчиликтери жана артыкчылыктары эсептелип чыгышы керек. Ошондой эле долбоорду ишке ашырууда эл аралык тажрыйбаны дагы эске алуу зарыл", — Темир Сариев.
Премьер Сариев вице-премьер министр Абдырахман Маматалиевге баардык күч түзүмдөрүнүн жетекчилери менен биргеликте долбоорду майда-чүйдөсүнө чейин карап чыгууну тапшырды.
Долбоорду Жаза аткаруу мамлекеттик кызматынын жетекчилиги алып чыккан.
