БИШКЕК, 19-дек — Sputnik. Футбол боюнча Кыргызстандын курама командасы Футбол боюнча эл аралык федерациянын декабрь айындагы рейтингинде бир тепкич жогорулаганын КР футбол федерациясы билдирди.
Ноябрдагы рейтингде Кыргызстан 153-орунду ээлесе, декабрда 152-орунду ээлеген жана 146 упайы бар.
Азиялык футбол конфедерациясынын рейтингинде Кыргызстан 46 мамлекеттин ичинен 27-орунду ээлейт. Бул айдын жыйынтыгы менен Иран өткөн айдын лидери Япониянын алдына чыккан. Үчүнчү орунду Түштүк Кореянын командасы ээлеген.
Кийинки рейтинг 2015-жылдын 8-январында жаңыланат.
