Diamond Princess лайнеринде коронавирус жуктурган эки киши көз жумду

© REUTERS / ATHIT PERAWONGMETHADiamond Princess круиздик лайнердин жургунчулордү ташыган автобус
Diamond Princess круиздик лайнердин жургунчулордү ташыган автобус - Sputnik Кыргызстан
Жазылуу
3,7 миң жүргүнчүсү менен саякатка чыккан кеме 5-февралдан бери карантинде болчу. Бирок 19-февраль күнү андан чыккан. Лайнерде бир кыргызстандык жаран бар.

БИШКЕК, 20-фев. — Sputnik. Diamond Princess кемесинде коронавирус жуктуруп алгандардын арасынан эки киши каза болду. Бул тууралуу NHK World Japan басылмасы жазды.

19-февралдагы маалыматка караганда, кеменин ичиндеги 3700 адамдын 621инин вируска кабылганы аныкталган.

"Бүгүн, бейшемби күнү, Япония бийлиги Diamond Princess лайнеринин эки жүргүнчүсү коронавирустан каза болгонун айтышты. Алар 87 жаштагы эркек жана 84 жаштагы аял. Экөө тең япон жарандары", — деп айтылат макалада.

Адистер аларды өткөн аптада эле кемеден түшүрүп, ооруканага жаткырышкан.

Белгилей кетсек, 3,7 миң жүргүнчүсү менен саякатка чыккан Diamond Princess кемеси 5-февралдан бери карантинде болчу. Бирок 19-февраль күнү андан карантиндик кырдаал алып салынган. Анын бортунда бир кыргызстандык бар. Sputnik Кыргызстан агенттиги аны менен байланышып, абалын билген

Кытай бийлиги 2019-жылдын 31-декабрында Дүйнөлүк саламаттык сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялашкан.

Учурда коронавирус жуктуруп алгандардын саны Кытайда 74,1 миңге жетти, 2118 адам каза болсо, 16 155 бейтап сакайып чыкты.

Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери

Жаңылыктар түрмөгү
0