Москвадагы гүл бакка Чыңгыз Айтматовдун ысымы берилди

© Sputnik / Лев Иванов / Медиабанкка өтүүУлуу кыргыз жазуучусу Чыңгыз Айтматов. Архив
Улуу кыргыз жазуучусу Чыңгыз Айтматов. Архив - Sputnik Кыргызстан
Жазылуу
Буга чейин Айтматов атындагы сквер Санкт-Петербург шаарында ачылган.

БИШКЕК, 7-дек. — Sputnik. Москва өкмөтү борбор калаадагы гүл бакка улуу кыргыз жазуучусу Чыңгыз Айтматовдун ысымын берүү чечимин кабыл алды. Бул тууралуу Кыргызстандын Россиядагы элчилиги билдирди.

Мындай чечим мекемелер аралык комиссиянын жыйынынан кийин кабыл алынган.

"Чыңгыз Айтматов атындагы гүл бак борбордун Даниловский районунда Люсиновская жана Большая Серпуховская көчөлөрүнүн кесилишинде жайгашкан", — деп билдирди элчиликтин маалымат катчысы Айымкан Кулукеева.

Буга чейин үстүбүздөгү жылдын июнь айында Санкт-Петербург шаарынын Руставели жана Карпинский көчөлөрүнүн кесилишиндеги бакка да Чыңгыз Айтматовдун аты ыйгарылган.

Ал эми былтыр 12-декабрда Екатеринбург шаарында Свердлов облусунун губернатору тарабынан шаардын көчөлөрүнүн бирине жазуучунун ысымын берүү боюнча буйрук чыккан.

Жаңылыктар түрмөгү
0