18:21 26 Бирдин айы 2021
Түз эфир
  • USD84.7500
  • EUR102.9628
  • RUB1.1385
Видео

Эми бир укмуш! Сары-Чат — Ээр-Таштан тартылган аркар-кулжалардын видеосу

Кыскача шилтеме алуу
261010
© Видео / Омурбек Курманалиев

Сары-Чат — Ээр-Таш мамлекеттик жаратылыш коругундагы бейкапар жайылып жүргөн аркар-кулжалардын видеосу Sputnik Кыргызстан маалымат агенттигине келип түштү.

Топ-топ болуп кырдан-кырга, аскадан-аскага чыгып жүргөн кийиктер сырттан караган кишини суктандырбай койбойт. Бул видеонун автору — аталган коруктун башкы егери Өмүрбек Курманалиев.

Сары-Чат — Ээр-Таш мамлекеттик жаратылыш коругу Ысык-Көл аймагында Ак-Шыйрак тоосу тарапта жайгашкан.

Корукта бул күндөрү аркар-кулжанын саны 6000ге чукул болсо, андан тышкары, 3000-4000ге чейинки эчки-теке бар. Жалпысынан алганда орточо эсеп менен ал аймакты 10 000дин тегерегиндеги кийик байырлайт.

Ал эми канаттуулардан тарта сойлоп жүрүүчүлөргө чейинкилерин эсепке алсак, жаныбарлардын 70тен ашык түрү бар. Алар бүркүт, жорунун түрлөрү, суур, кашкулак, илбирс, аюу, карышкыр, түлкү, чөө, кийиктер ж.б.

"Коруктун жалпы аянты 150 миң гектарга жакын болгондуктан баарын караганга мүмкүн эмес, бирок кээ бирлери туулгандан тарта телчиккенге чейин көз алдыңда чоңоет. Албетте, кийиктер адамдардан чочуйт, алардын жыт сезүүсү абдан мыкты өнүккөндүктөн чоочундардын жытын алыстан сезет. Жамандык кылбай турган кишилерди сезет. Кээ күндөрү эртең менен туруп карасаң, кордондун короолоруна чейин келип, түптөрүнө сүйкөнүп жүргөндөрүн көрүүгө болот. Буларды атканга кандай адамдардын колу барат, билбейм", — деди Курманалиев.

Тема боюнча

Нарын коругу Борбор Азияда биринчи болуп аюуга спутник каргы таккан. Кызыктуу маек
Ак илбирсти артынан кууп өлтүргөн егерлер болгон. Эколог Верещагин менен маек
Белгилер:
эчки, тоо, кийик, кулжа, аркар, Сарычат-Ээрташ мамлекеттик жаратылыш коругу, Ысык-Көл облусу, Кыргызстан

Дагы видео

ЭҢ МААНИЛҮҮ