11:13 27 Кулжа 2019
Түз эфир
  • USD69.5988
  • EUR79.0503
  • RUB1.1081
Видео

10:0! Мээрим Жуманазарова казак балбанын баш көтөртпөй жеңип, коло тагынды. Видео

Кыскача шилтеме алуу
111010

Кыргызстандык спортчу Азия чемпионатында коло байге үчүн күрөштө атаандашын таза жеңиш менен утуп алган.

Балбан Мээрим Жуманазарова кыз-келиндер арасындагы күрөш боюнча Азия чемпионатында коло медалга ээ болгон видеосун Бүткүл дүйнөлүк күрөш уюму YouTube каналына жүктөдү.

Ушул тапта Кытайда күрөш түрлөрү боюнча чоңдор арасында Азия чемпионаты болуп жатат. Ал 21-апрелде башталган, эми 28инде жыйынтыкталмакчы.

Мелдештин алкагында Мээрим Жуманазарова 68 килограмм салмактагылар арасында жалпысынан үч беттеш өткөргөн.

Чейрек финалда өзбек спортчусу Бактыгүл Балтаниязованы 8:2 эсеби менен утса, жарым финалда япониялык Сара Дошого 0:3 упай менен жеңилип калган. Коло үчүн күрөштө казакстандык Ирина Казюлинаны 10:0 эсеби менен жер караткан.

Ал эми 76 килограмм салмактагы спортчулар арасында Айпери Медет кызы үчүнчү орун үчүн кармашта корей спортчусуна утулуп, байгесиз калды. Ошондой эле 62 килограмм салмак категориясында Айсулуу Тыныбекова финалга чыкты.

Жуманазарова курама командага үчүнчү медалды алып келди. Буга чейин эркин күрөш боюнча Алигаджи Гамидгаджиев күмүш, Ойбек Насыров коло алган.

Тема боюнча

Кыргызстандык сууда сүзүүчүлөр Белоруссиядагы мелдеште ийгиликтүү ат салышты
Кыргызстандык кыз арабдардын дарбазасына укмуштуудай гол киргизди. Видео
Белгилер:
жеңиш, коло, байге, Мээрим Жуманазарова, Азия чемпионаты, Кытай

Дагы видео

ЭҢ МААНИЛҮҮ