Борбор калаанын Фучик жана Дэн Сяопин көчөлөрүнүн кесилишинде балдар өмүрүн тобокелге салып, жолдун ортосуна чейин чуркап чыгып жарамазан айтышууда. Мындай көрүнүштү күбө Sputnik Кыргызстан агенттигинин WhatsApp номерина жиберди.
Машинада кетип бараткан айдоочу менен жүргүнчү жолдо алты бала жүргөнүн санашкан.
Шаардык Кайгуул милициянын маалымат кызматы айдоочулардын ушундай арыз келип түшүп жатканын билдирди. Өзгөчө мындай көрүнүштөр жаңы конуштарда көп кездешет.
"Азыр биз ата-энелер балдарын көзөмөлдөшү үчүн үн күчөтүүчү аппараттын жардамы менен эскертип жатабыз. Ошондой эле "Жөө адам" аттуу рейд уюштурулат. Андан сырткары каникул башталгандыктан ата-энелер балдарын тыкыр көзөмөлдөшү керек", — деп милициядан билдиришти.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин 0706 566 544 WhatsApp номери аркылуу билдириңиз.
