БИШКЕК, 7-июн. — Sputnik. Абсолюттук мушкерлер уюмунун (UFC) эки салмак боюнча мурдагы чемпиону Конор Макгрегор карьерасын жыйынтыктап жатканы тууралуу кезектеги билдирүүсүн таратты.
Спортчу мындай билдирүүсүн Twitter-аккаунтуна жазып, энеси менен түшкөн сүрөтүн жүктөгөн.
Hey guys I’ve decided to retire from fighting.
— Conor McGregor (@TheNotoriousMMA) June 7, 2020
Thank you all for the amazing memories! What a ride it’s been!
Here is a picture of myself and my mother in Las Vegas post one of my World title wins!
Pick the home of your dreams Mags I love you!
Whatever you desire it’s yours ❤️ pic.twitter.com/Dh4ijsZacZ
"Салам, достор. Мен беттештерди токтотууну чечтим. Эсте калган учурларым үчүн сиздерге ыраазычылык. Бул эмне деген жол эле! Апам экөөбүздүн бул сүрөтүбүз Лас-Вегастагы мен чемпион болгондо тартылган. Эмнени кааласаң ошонун баары аткарылат", — деп жазган спортчу.
Ирландиялык мушкер былтыр мартта дагы карьерасын жыйынтыктап жатканын айтып, бирок кайра бир жумадан кийин спортко кайтканын билдирген.
Макгрегордун соңку кармашы быйыл 19-январда Лас-Вегастагы UFC 246 турниринде өтүп, беттештин 40-секундасында америкалык Дональд Серронени техникалык нокаут менен жеңип алган.
Конор бир ай мурда америкалык боксчу Оскар Де Ла Хойянын беттешүү чакырыгын кабыл алганын билдирген болчу.
