Кыргыз фамилиясына таң калган бильярдчы менен журналист Гүлдана Талантбекова жакындан таанышты.
Дастан менен маек башталганга чейин:
— Эже, канча убакыт сүйлөшөбүз?
— 30-40 мүнөттөй болот. Бирок эми ар ким ар кандай сүйлөйт да.
— Аа, мен негизи бат-баттан сүйлөйм. Анан укканга деле үлгүрбөй калышыңыз мүмкүн.
— Дастан, маек бүткүчө эмне үчүн фамилияңыз Лепшаков деп кыйналып отургандан көрө азыр эле сурап албаймынбы?
— Кичинекей кезинде бабам согуш убагында Түндүк Кавказдан куулуп Кыргызстанга келиптир. Улуту карачай. Чоң апам кыргыз, атам метис, апам кыргыз. Паспортко Лепшаков деп жазылып калган, туура айтылып, жазылышы — "Лепшок". Мен деле кызыгып сурап көрбөптүрмүн, элге тааныла баштаганда көптөр кызыкканынан улам сураштырдым.
— Жакында эле Югорск шаарына барып бильярд боюнча дүйнө чемпиондугунда экинчи орунга татыдыңыз. Албетте, куттуктайбыз. Бирок сиз буга чейин чоңдор жана жаштар арасында дүйнө чемпиону аталбадыңыз беле?
— Даярдыктар жакшы эле болгон, кудайдын буйругу экен. Мени менен барган балдар да жакшы жыйынтыктарды көрсөтүп, алдыңкы орундарга ээ болушту. Оюндун жүрүшүндө өзүбүздүн кумир Каныбек Сагынбаев менен чыгып калдым. Мага орун бошотуп берип койдубу же чындап эле утулдубу, билбейм, айтор жеңиш мен тарапта болду.
— Дүйнө чемпиондугу кандай деңгээлде өттү?
— Эгерде бильярд Олимпиада оюндарына кирип кала турган болсо, спорчуларыбыздын ийгиликке жетүү мүмкүнчүлүктөрү барбы?
— Биздин спортчулар дүйнөлүк рейтингде алдыңкы үч орунда, улам жылып, алмашып турат. Сыймыгыбыз болгон Каныбек Сагынбаевди дүйнө эли тааныйт. Убагында элди таң калтыра алды. Бизге үлгү көрсөтүп, стимул берген да ошол киши болду. Учурда кандай гана сынак болбосун бизди коштоп жүрөт.
— Өзүңүз бильярд дүйнөсүнө кантип аралашып калдыңыз?
— 6-класс кезимде байкем Москвадан өзүбүз жашаган Таластын Бакай-Ата районуна келип "бильярд ачабыз, аны кичинекей Дастан иштете берет" деп калды. Ошол жерден кызыгып, үйрөнүп, Бакай-Ата районунун турнирлеринен алдыңкы орундарды багындырып, облустук деңгээлге чейин чыктым. 2012-жылы машыктыруучумдун сунушу менен борборго келгем.
— Борборго келип дароо эле бильярдды алып кетсеңиз керек?
— Спорчулар дагы жылдыз болушабы?
— Эми спортту жеке кызыкчылыктарга жумшап жибергендер бар да. Кээде салам берсең алик албай калышат. Айрым бильярдчылар лотереяга, казиного азгырылып кирип кеткен учурлар болот.
— Чындыгында жаш туруп дүйнө чемпиондугуна жеттиңиз. Ийгилик сырыңыз эмнеде?
— Мыкты бильярдчы болуш үчүн кандай өзгөчөлүктөргө ээ болуш керек?
— Эң алгач психологиялык жактан күчтүү болушуң керек. Мыкты спортчу болбосоң деле оюңду бир жерге топтоп алып иш кылсаң чоң жардам берет. Дагы бир маанилүү нерсе — спортчуга туура режим керек. Өз маалы менен уктап, маалы менен туруп дегендей. Бильярддагылардын 80 пайызы түндүн бир оокумуна чейин ойноп кетет. Кыргызстанда азыр "колхоз" деген оюн бар. Мында түстүү шарлар менен ойнолуп ар бирине акча коюлган. Бильярдды көп ойносом кумар канат деген жаңылыштык. Тетирисинче, канчалык көп ойногон сайын, ошончолук кызыгууң артат.
— Алдыда кандай пландарыңыз бар?
— Негизи үйдөгүлөр менен көп кеңешем. Уткан байгелеримдин баарын кемитпей туруп үйгө алып барам. Ата-энем болду десе болду, болбосо болгон жок дейм. Айтор алардын сөзүнөн чыга элекмин. Үй-бүлөдө алты бир туугандын кенжесимин. Менден башкасынын баары үйлөнү- жайланып, ордун табышкан.
— Сүйлөшкөн кызыңыз барбы?
— Чынын айтсам, спорт менен жүрүп, сүйүүгө деле убакыт бөлө элекмин. Эки айдан бери бир кыз менен сүйлөшүп жатам. Азырынча мамилебиз өтө олутттуу деп айта албайм. Убакыт көрсөтөт.
