10:09 26 Аяк оона 2021
Түз эфир
  • USD84.8000
  • EUR99.5213
  • RUB1.1615
Коом
Кыскача шилтеме алуу
154 0 0

Жогорку Кеңештин депутаты комитеттин жыйынында маршруткалардагы жол кире тарифи боюнча маселе кандайча чечилерине кызыкты.

БИШКЕК, 26-июл. — Sputnik. Бишкек мэриясы шаардык кеңештен биринчи эле жыйынында коомдук транспорттогу жол кирени көтөрүү маселесин карап берүүнү өтүндү. Бул тууралуу ЖКнын бюджет жанан финансы комитетинин жыйынында вице-мэр Максат Сазыкулов билдирди. 

Депутат Айнура Аскарова маршруткалардагы жол кире тарифи боюнча маселе кандайча чечилери тууралуу суроо узаткан. 

“Тарифтерди көтөрүү боюнча сунушту шаардык кеңештин депутаттарына бердик. Маршруткадагы жол акыны – 15, автобус менен троллейбустардыкын 11 сомго жогорулатуу сунушталууда. Учурда биз шаардык кеңештин биринчи жыйынын күтүп жатабыз. Маселени алгачкы эле жыйында карап берүүнү өтүнгөнбүз”, – деди  Сазыкулов. 

Анын айтымында, Бишкек мэриясынын балансында 476 автобус болсо, анын 140ы гана иштейт. 

“183 троллейбустун 110у гана линияга чыгат. Ал эми 3000 маршрутка каттоодон өткөн болсо, 900-1 300ү эл ташыйт”, – деди  вице-мэр. 

Эске салсак, июндун башында Бишкектин маршрутка айдоочулары жол кире акысын көтөрүүнү талап кылып иш таштаган.

Тема боюнча

Мэрия: жол кирени өз алдынча көтөргөн айдоочуларды көрсөңөр кабарлагыла
Белгилер:
Бишкек, маршрутка, мэрия, жол кире

ЭҢ МААНИЛҮҮ