"Инфоком" документ түйшүгүн жеңилдеткен электрондук система иштеп чыкты
"Инфоком" документ түйшүгүн жеңилдеткен электрондук система иштеп чыкты
Sputnik Кыргызстан
Жаңы системанын алкагында президенттин алдындагы жарандык маселелер боюнча комиссиянын, УКМК, ТИМдин Консулдук кызмат департаментинин маалыматтары бирдиктүү... 27.08.2020, Sputnik Кыргызстан
Жаңы системанын алкагында президенттин алдындагы жарандык маселелер боюнча комиссиянын, УКМК, ТИМдин Консулдук кызмат департаментинин маалыматтары бирдиктүү электрондук базага бириктирилет.
БИШКЕК, 27-авг. — Sputnik. "Инфоком" мамлекеттик ишканасы "Жарандык 2.0" автоматташтырылган маалыматтык системанын (АМС) экинчи этабын иштеп чыкты. Бул тууралуу Мамлекеттик каттоо кызматынан (МКК) билдиришти.
"Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген
"Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген
Бул мекендештерге 15-20 күндүн ичинде паспорт алууга шарт түзөт. Мурда бул үчүн үч айдан бир нече айга чейинки убакыт талап кылынчу
"Жарандык" системасынын биринчи этабын даярдоо 2017-жылы башталып, 2018-жылы ноябрда МККнын бардык паспорт берүү жана калкты каттоо бөлүмдөрүндө ишке киргизилген. Мындан тышкыры, Кыргызстандын 38 чет өлкөдөгү мекемесинде "Паспорт", "ЗАГС" жана "Жарандык" автоматташтырылган маалыматтык системасы жүзөгө ашырылган. Бул мекендештерге 15-20 күндүн ичинде паспорт алууга шарт түзөт. Мурда бул үчүн үч айдан бир нече айга чейинки убакыт талап кылынчу.
Ал эми "Жарандык 2.0" системасынын экинчи этабында президенттин алдындагы жарандык маселелер боюнча комиссиянын, УКМК, ТИМдин Консулдук кызмат департаментинин маалыматтары электрондук базага бириктирилет.
"Бул система Кыргызстан калкынын бирдиктүү мамлекеттик реестринин курамдык бөлүгү жана МККнын маалыматтык системасын бир жерге топтойт. Жарандыктан чыгуу жана кабыл алуу боюнча маалымат алууга кызыкдар мамлекеттик органдарга "Түндүк" системасы аркылуу жеткиликтүү болот. Ал эми жарандык алуу же андан чыгуу боюнча арызды, сүрөтүн жана кол тамгасын электрондук түрдө жөнөтө алат. Бул тейлөөнү тездетип, документтерди жеткирүүгө кеткен чыгымды азайтып, так отчет түзүлүүсүн шарттайт. Ошондой эле шайлоочулардын тизмесин иретке келтирет", — деп айтылат маалыматта.
Алдыда "Жарандык 2.0" системасы жарандык алуу жана андан чыгуу боюнча президенттин жарлыгына кол коюуну электрондук түрдө жүргүзүүнү карап жатат. Ал эми арыз бергендер үчүн жарандык макамы боюнча иштин жүрүшүнө мобилдик тиркеме аркылуу байкоо салууга мүмкүнчүлүк түзүү пландалууда.
Эгемендүүлүк жылдары 33 523 адам Кыргызстандын жарандыгынан чыгарылса, 18 607 киши алган.
