03:00 10 Баш оона 2020
Түз эфир
  • USD77.0500
  • EUR91.1694
  • RUB1.0463
Коом
Кыскача шилтеме алуу
Кыргызстандыктарды кыйнаган пневмония (48)
542 0 0

Саламаттык сактоо министрлиги пневмония менен коронавирустан каза болгондордун статистикасын эки башка берип келет. Бүгүнкү күндө коронавирустан 147 адам көз жумса, пневмония март айынан бери 497 адамдын өмүрүн алды.

БИШКЕК, 14-июл. — Sputnik. Премьер-министр Кубатбек Боронов эмне себептен коронавирус менен пневмония боюнча эки башка статистика жүргүзүлүп жатканын түшүндүрүп берди.

Брифингде модератор "пневмония менен коронавирус боюнча статистиканы бириктирүү пландалып жатабы, эмне себептен бул иш азыркыга чейин жасала элек?" деген суроо узаткан.

Чүйдө стационарга оор абалдагылар көп кайрылууда, эми медиктер үймө-үй кыдырат

"Эки оорунун статистикасын чогултуп бир жасоо маселесин Саламаттык сактоо министрлигинин алдына койдук. Алардын айтуусуна караганда, дүйнө жүзүндө ушундай эки башка статистика жүргүзүлүп жатыптыр. Кайсы бир убакта чогултууга туура келсе керек. Пневмония менен эл акыркы убакта ооруй баштады. Адистердин айтымына караганда, пневмония — коронавирустун өтүшүп кеткен формасы. Буга чейин "коронавирус жок" деп жатып аны өрчүтүп алдык. Эгерде эрежелерди убагында, так аткара турган болсок, мүмкүн аны жеңүү оңой болмок беле. Башында "үйдөн дарыланбагыла, ПЦР-тест алалы" деп айтып жаттык. Медиктер үймө-үй кыдырды. Эшигин бекитип алгандар, жашынып чыкпай койгондор болду", — деди Боронов.

Премьер-министр өкмөттө да кемчиликтер болгонун мойнуна алды.

"Өкмөт баарын талаптагыдай кылды деп айта албайм. Кемчиликтер болду. Биз эле эмес, бул оору менен дүйнө күрөшүп жатат. Тажрыйбаны улам башка мамлекеттерди көрүп алып жаттык. Эл туура түшүнөт деп ойлойм. Айрым мамлекеттер бул ооруну жеңдик деп айгай салып, кайра ооруп калып жатат. Айтканды айткандай эле аткарсак баарын жеңебиз", — деди өкмөт башчы.

Өкмөт: кычкылтек концентраторунун маселеси чечилди, саны жетиштүү

Белгилей кетсек, Саламаттык сактоо министрлиги пневмония менен коронавирустан каза болгондордун статистикасын эки башка берип келет. Бүгүнкү күндө коронавирустан өлкөдө 147 адам көз жумса, пневмония март айынан бери 497 адамдын өмүрүн алды.

Тема:
Кыргызстандыктарды кыйнаган пневмония (48)

Тема боюнча

Боронов: эл издеп жаткан дарыларды катып жаткан эки кампа табылды
Белгилер:
статистика, пневмония, коронавирус, Кубатбек Боронов, Кыргызстан

ЭҢ МААНИЛҮҮ