02:08 13 Теке 2020
Түз эфир
  • USD77.8000
  • EUR87.8362
  • RUB1.0922
Коом
Кыскача шилтеме алуу
Коронавируска байланыштуу Кыргызстандагы кырдаал (1858)
2384 0 0

Президент бийлик органдары мындай жосунсуз жоруктарды көрмөксөн, укмаксан болгонго акысы жок экенин баса белгиледи.

БИШКЕК, 30-июн. — Sputnik. Республикалык штаб абалдын оорлошуп баратканына себепкер болгон салтанат-тойлорго расмий түрдө тыюу салуу чарасын карап чыгуусуна мезгил жетти. Бул туурасында президент Сооронбай Жээнбеков парламентте кайрылуу жасап жатып билдирди.

Кимдин ким экени ушундай учурда билинет. Жээнбеков аткаминерлерге кайрылды

Мамлекет башчы акыркы убактарда массалык иш-чаралардан инфекция жугузгандар көбөйүп жатканына токтолду.

“Калкыбыздын ден соолугуна кайдыгер болуп душмандык жасабайлы. Айрым мекендештерибиз, аткаминерлер той өткөрө башташты. Бул улуттун саламаттыгына жана коопсуздугуна жасалган кыянатчылык! Март айынан бери уйку көрбөй эмгектенип жаткан дарыгерлерибиздин, тартип сакчыларынын, башка тийиштүү кызматкерлерибиздин мээнетине жасалган кыянатчылык!” — деп сыпаттады Жээнбеков.

Аны менен катар президент Республикалык штабдын, жергиликтүү бийликтин мындай жосунсуз жоруктарды көрмөксөн, укмаксан болгонго акысы жок экенин баса белгиледи.

“Бардык бийлик бутактары биригип, жалпы эл коронавирус илдетин ооздуктоого күч-аракетин жумшап жатса, эч кимди көзгө илбей той өткөргөндөрдө уят-сыйыт, элди сыйлоо деген сезимдердин болбогону өкүндүрөт. Республикалык штабдын мындай салтанат-тойлорго расмий түрдө тыюу салуу чарасын карап чыгуусуна мезгил жетти. Ар бирибиз жоопкерчилик менен аң-сезимди өзгөртпөсөк, илдетти жеңүү мүмкүн эмес”, — деди мамлекет башчы.

Айды алып берем дебей... Жээнбеков шайлоодо кандай убада берүү керектигин айтты

Ошондой эле ал тиешелүү талаптарды аткарбагандардын баарына мыйзамдуу чаралар көрүлүшү керектигин кошумчалады.

Белгилей кетсек, президент Сооронбай Жээнбеков бүгүн парламентте жаңы дайындалган өкмөт мүчөлөрүнүн антын кабыл алды. Андан соң пандемияга жана алдыдагы шайлоолорго байланыштуу кыргызстандыктарга кайрылуу жасады.

Тема:
Коронавируска байланыштуу Кыргызстандагы кырдаал (1858)

Тема боюнча

Буга чейин айтпай келгем. Жээнбеков тышкы саясаттагы көйгөйдүн чекесин чыгарды
Эч кимге карызым жок! Жээнбеков колдоого алды делген партиялар боюнча жооп берди
Белгилер:
жоопкерчилик, чектөө, той, Сооронбай Жээнбеков

ЭҢ МААНИЛҮҮ