Айдарбеков: май айында дагы миң кыргызстандык мекенине алып келинет

© Sputnik / Тимур Батыршин / Медиабанкка өтүүЭл аралык аэропортунда жүргүнчүлөр. Архив
Эл аралык аэропортунда жүргүнчүлөр. Архив - Sputnik Кыргызстан
Жазылуу
Тышкы иштер министринин айтымында, учурда 58 өлкөдө жашап-иштеп жүргөн 8712 кыргызстандык мекенине кайткысы келип жатканын билдирүүдө.

БИШКЕК, 12-май — Sputnik. Май айында чет өлкөдө калган дагы бир миңдей кыргызстандыкты алып келүү пландалып жатат. Бул тууралуу брифингде тышкы иштер министри Чыңгыз Айдарбеков билдирди.

"Катардан — 36, Кувейттен — 105, Ирандан — 16, Франкфурт-на-Майне шаарынан — 36, Стамбул шаарынан — 349, Москва шаарынан — 402, Түштүк Кореядан — 35, Япониядан — 30, Белоруссиядан 37 мекендешибизди алып келебиз", — деди Айдарбеков.

Ошондой эле ал учурда 58 өлкөдө жашап-иштеп жүргөн 8712 кыргызстандык мекенине кайткысы келип жатканын кошумчалады.

"Чет жакта жүргөн жарандарыбызды алып келүү учурда биринчи максатыбыз. Бирок транстпорт, вирусту таркатып жибербөө үчүн жасалчу процедуралардын баары белгилүү бир убакытты талап кылат. Андыктан түшүнүү менен кабыл алып, ар кандай жалган маалыматтар менен кырдаалды курчутпай турууга чакырабыз", — деди министр.

Эске салсак, буга чейин акыркылардан болуп 10-майда Бишкекке Бириккен Араб Эмирлигинен 177 кыргызстандык учуп келген.

Коронавирустун кесепети

Кыргызстанда коронавируска кабылгандардын саны 1037ге жетип, анын ичинен 709у айыгып чыкты. Тилекке каршы, 12 бейтап каза болуп калды.

Эл аралык аэропортунда аэробус. Архив - Sputnik Кыргызстан
Пандемия башталгандан бери чет жактан 9000ден ашуун КР жараны кайтарылды
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0