Коменданттык саат: түндө өлкө боюнча 94 киши кармалып, 22 унаа токтотулду

© AFP / VYACHESLAV OSELEDKOПатрулдук милиция жана мамлекеттик гвардия кызматкерлери блокпостто турган учурда. Архив
Патрулдук милиция жана мамлекеттик гвардия кызматкерлери блокпостто турган учурда. Архив - Sputnik Кыргызстан
Жазылуу
Жалпысынан Кыргызстанга өзгөчө абал киргизилгенден, тагыраагы, 25-марттан тарта коменданттык саат эрежесин бузган 2038 адам кармалган.

БИШКЕК, 7-апр. — Sputnik. 7-апрелге караган түнү Кыргызстандын өзгөчө абал киргизилген аймактарында коменданттык саат режимин бузган 94 киши кармалып, 22 унаа айып короого киргизилди. Бул туурасында Ички иштер министрлигинин маалымат кызматынан билдиришти.

Коменданттык сааттын эрежеси боюнча Бишкек, Ош жана Жалал-Абад шаарлары, Ноокат, Кара-Суу жана Сузак райондорунда кечки 8.00дөн эртең мененки саат 7.00гө чейин көчөдө жүрүүгө тыюу салынат.

Кечээ коменданттык сааттын талаптарын бузгандар төмөнкү жерлерде катталды:

  • Бишкек шаарында — 80;
  • Ош шаарында — 5;
  • Жалал-Абад шаарында — 3,
  • Сузак районунда — 1,
  • Кара-Суу районунда — 5.

Ал эми Ноокат районунда коменданттык сааттын талаптарын бузгандар болгон жок.

Временно исполняющий обязанности начальника ГУВД Бишкека Самат Курманкулов - Sputnik Кыргызстан
Самат Курманкулов бүгүн Бишкекке учуп келди
Кармалгандар ички иштер органдарынын аймактык бөлүмүнө жеткирилип, эреже, тартиптерди сактоо боюнча түшүндүрүү иштери жүргүзүлгөн соң үйлөрүнө коё берилген.

Жалпысынан Кыргызстанга өзгөчө абал киргизилгенден, тагыраагы, 25-марттан тарта коменданттык саат эрежесин бузган 2038 адам кармалган.

Кыргызстанда коронавирус аныкталгандардын саны 228ге жетти.

Ушу тапта өлкө ичинде абал кандай болуп жатканын Sputnik жүргүзүп жаткан тексттик баяндамадан билүүгө болот.

Жаңылыктар түрмөгү
0