20 жылдык: Кадамжайда бүтүрүүчүлөр биринчи мугалимине батир алып берди

© Фото / предаставлено Октомом Сапар уулуБаткен облусунун Кадамжай районунун Кара-Дөбө айылында мектепти 20 жыл мурун бүтүргөндөр биринчи мугалимине батир белек кылышты
Баткен облусунун Кадамжай районунун Кара-Дөбө айылында мектепти 20 жыл мурун бүтүргөндөр биринчи мугалимине батир белек кылышты - Sputnik Кыргызстан
Жазылуу
Батирди классташтар 700 миң сомдун айланасындагы каражатка алган.

БИШКЕК, 26-май — Sputnik. Баткен облусунун Кадамжай районунун Кара-Дөбө айылында мектепти 20 жыл мурун бүтүргөндөр биринчи мугалимине батир белек кылышты. Бул тууралуу Sputnik Кыргызстан агенттигине бүтүрүүчүлөрдүн бири, ырчы Өктөм Сапар уулу билдирди.

© Фото / предаставлено Октомом Сапар уулуБаткен облусунун Кадамжай районунун Кара-Дөбө айылында мектепти 20 жыл мурун бүтүргөндөр биринчи мугалимине батир белек кылышты
Выпускники села Кара-Добо, Кадамжайского района, Баткенского района окончившие двадцать лет назад подарили квартиру учительнице - Sputnik Кыргызстан
Баткен облусунун Кадамжай районунун Кара-Дөбө айылында мектепти 20 жыл мурун бүтүргөндөр биринчи мугалимине батир белек кылышты

Анын айтымында, классташтар максатсыз акча коротпоо үчүн бул кадамга бардык.

"20 жылдыкта жөн эле акча кетирбейли деп классташтардын бири ушул демилгени көтөрүп чыккан. Анан балдар акча чогултуп биринчи мугалимибиз Лола Маликовага Кызыл-Кыя шаарынан батир сатып бердик. Андан сырткары, кошумча шаан-шөкөт өткөрбөй, анын ордуна орозо кармагандарга тамак берип оозун ачырабыз ", — деди ырчы.

1998-жылы мектепти бүтүргөн классташтар батирди 700 миң сомдун айланасындагы каражатка алган.

Кошумчалай кетсек, ушул жумада Өзгөн районундагы Кашка-Терек айылындагы мектепти 20 жыл мурда бүтүргөндөр айылдашы, жакыр жашаган пенсионер аялга да үй куруп беришти.

Жаңылыктар түрмөгү
0